തുലാമാസത്തിലത്തമാണിന്ന്‌, അമ്മതന്‍
ശ്രാദ്ധം, ചോറും, എള്ളും, പൂവും നിരന്നു
ശ്രാന്തമാമന്തരീക്ഷത്തില്‍നിന്നും കാക്കകള്‍ വന്നു
പൂര്‍വമാമണിമുറ്റത്തില്‍ ഇലകള്‍ നിരന്നു.
അപൂര്‍വമാമൊരു ബലികാക്ക വന്നു; എന്‍
മനോമുകുരത്തില്‍ അമ്മതന്‍ മുഖം തെളിഞ്ഞു
'അമ്മേ വരിക' എന്നന്തരംഗം മന്ത്രിക്കവേ ആ -
ബാലിക്കാക്ക താഴ്ന്നു വന്നു കൊത്തിതുടങ്ങി
ഒരു നൂറു കാക്കകള്‍ വന്നെത്തി, വാഴക്കയ്യില്‍
ചിലച്ചും കലഹിച്ചും കലംബിചൊച്ചവെച്ചും.
കാക്കകള്‍ പിത്രുക്കളാം അവക്ക് കിട്ടിയ വരദാനം
ശനിദേവന്‍ തന്‍, ആദ്യത്തെ പിണ്‍ഡചോറതിനുള്ളതാം
കാക്കകള്‍ വൃത്തിഹീനം; ഉഷസ്സില്‍ വൃത്തിയാക്കുന്നു
എന്‍ മണിമുറ്റങ്ങള്‍, ഈ വൃത്തിയിലേര്‍പ്പിട്ട് മാനവ -
സേവ ചെയ്യും നീയെത്ര ധന്യ; ബുദ്ധിയും സൂത്രവും
നിന്‍ ഗുണങ്ങള്‍; കാക്കതന്‍ കീര്‍ത്തികള്‍ താരാട്ടു പാടി,
അമ്മമാര്‍; പ്രഭാതത്തില്‍ വിരുന്നു വിളിക്കും നീയല്ലോ
പ്രവാചകന്‍; കാക്കത്തൊള്ളായിരമുണ്ടിവ, കടമ്മ-
ക്കുടിയത്രെ അവര്‍ തന്‍ വാസം; വിരൂപികളാണിവര്‍
പക്ഷെ കാക്കക്കറുപ്പിനുമുണ്ടൊരു ഏഴഴക്.
പക്ഷെ കാക്കക്കറുപ്പിനുമുണ്ടൊരു ഏഴഴക്.
അവ ആത്മാവിന്‍ പ്രതീകങ്ങള്‍; ചൊല്ലിതരും
മാനവരാശിക്കൊരുനൂറു പാഠങ്ങള്‍;
നീയല്ലോ ദൈവജ്ജ്ഞന്‍, ചിന്തിക്കവയ്യ
നീയില്ലാത്തൊരീ പ്രപഞ്ചം.
മാനവരാശിക്കൊരുനൂറു പാഠങ്ങള്‍;
നീയല്ലോ ദൈവജ്ജ്ഞന്‍, ചിന്തിക്കവയ്യ
നീയില്ലാത്തൊരീ പ്രപഞ്ചം.
